ကျစ်လျစ်သွယ်လှတဲ့ ဗိုက်ချပ်ချပ်လေးကို လူတိုင်း လိုချင်ကြတာပဲဟုတ်? ဗိုက်လေ့ကျင့်ခန်းလုပ်ပေးတာက ဥုံဖွဆိုပြီး အဆီတွေမပျောက်သွားပေမယ့် ကိုယ့်ရဲ့ဝမ်းဗိုက်ကြွက်သားကိုတော့ သန်မာလာစေပါတယ်။ အခုခေတ်မှာဆိုရင် အိမ်မှာနေရင်း လေ့ကျင့်ခန်းလုပ်တာက အရမ်းကို အသုံးဝင်လာတယ်ဆိုတော့ ကိုယ်ကသာ နည်းမှန်လမ်းမှန်နဲ့ လေ့ကျင့်ခန်းကို သေချာဂရုတစိုက်လုပ်မယ်ဆိုရင် ဝမ်းဗိုက်ကြွက်သားတွေ ပိုသန်မာလာပြီးတော့ အဆီပိုတွေပါ ကျနိုင်ပါတယ်။ ဒီဆောင်းပါးလေးမှာတော့ ဝမ်းဗိုက်ကြွက်သားတွေ ပိုမိုသန်မာလာအောင်နဲ့ နေလို့ထိုင်လို့ကောင်းအောင် အိမ်မှာနေရင်း ပေါ့ပေါ့ပါးလုပ်လို့ရတဲ့ လေ့ကျင့်ခန်းနည်းလမ်းကောင်း (၅) မျိုးအကြောင်းကို ပြောပြပေးသွားမှာပါ။
အိပ်ထ မတင် လေ့ကျင့်ခန်း (crunches)
ဒူးခေါင်းထောင်ထားပြီး ကိုယ်လုံးကို လှဲချလိုက်ပါ။ လည်ပင်းကို ဆွဲထူတဲ့ပုံစံမျိုးမလုပ်ဘဲ လက်နှစ်ဖက်လုံးကို ကိုယ့်ခေါင်းရဲ့ နောက်မှာ ဒါမှမဟုတ် ရင်ဘတ်ရှေ့မှာ ထားထားပါ။ အသက်ရှုထုတ်တဲ့အခါတိုင်းမှာ ခေါင်း၊ လည်းပင်း နဲ့ ပခုံးတို့ကို ပြန်မပါ။ အသက်ရှုသွင်းပြီး ကျောကုန်းကို အပြည့်လှဲချလိုက်တာမျိုးမဟုတ်ပဲ လှဲလိုက်ပါ။
ပလန့်ထောက်ခြင်း
စစချင်းမှာ ဒိုက်ထိုးတဲ့ပုံစံလိုမျိုး မှောက်လျက်ပုံစံ ကိုယ့်ပခုံးနဲ့ တတန်းတည်းဖြစ်အောင် တံတောင်ဆစ်ထောက်ထားပါ။ ခေါင်းကနေ ခြေဖျားထိ ကိုယ်လုံးကို မထားပြီး အဲ့ပုံစံကို ကိုယ်လုပ်နိုင်သလောက် လုပ်ကြည့်ပါ။ လုပ်နိုင်တဲ့အခါ တစ်ဖြည်းဖြည်းနဲ့ အချိန်တိုးသွားလို့ရပါတယ်။
ခြေထောက်မတင် လေ့ကျင့်ခန်း
လှဲလိုက်ပြီး လက်ကို ကိုယ့်ဘေးနား ဒါမှမဟုတ် တင်အောက်မှာ ထားထားပါ။ ခြေထောက်ကို ဖြောင့်အောင်ထားပြီး တူတူမလိုက်ပါ။ ပြီးရင် ကြမ်းပြင်ကိုမထိစေဘဲ ဖြည်းဖြည်းချင်းပြန်ချပါ။ နောက်ကျောဒဏ်ဖြစ်တာသက်သာစေဖို့ ကြွက်သားတွေကို အသုံးပြုပြီး ခြေထောက်အတင်အချပြုလုပ်ပေးပါ။
စက်ဘီး အိပ်ထမတင်
ပက်လက်လှဲလိုက်ပြီး ဒူးထောင်၊ လက်ကို ခေါင်းအောက်မှာထားလိုက်ပါ။ ခေါင်း၊ ပခုံးနဲ့ ခြေထောက်တို့ကို ကြမ်းပြင်နဲ့လွတ်အောင် မ လိုက်ပါ။ ညာဘက်ခြေထောက်ဆန့်ထားတုန်းမှာ ကိုယ့်ရဲ့ ညာဘက် တံတောင်ဆစ်ကို ဘယ်ဘက်ဒူးထိ ဆွဲယူလိုက်ပါ။ ခန္ဓာကိုယ်လှည့်ရင်း တစ်ဖက်တစ်ချက်စီ လုပ်သွားပါ။
တောင်တက်လေ့ကျင့်ခန်း
ခုနက ပလန့်ခ်ထောက်တဲ့ပုံစံလိုမျိုး လက်ကို ပခုံးနဲ့တစ်တန်းတည်းထားလိုက်ပါ။ ပြေးနေသလိုမျိုး ကိုယ့်ရဲ့ဒူးခေါင်းကို ရင်ဘတ်ဆီကို အလှည့်ကျဆွဲယူပါ။ ကြွက်သားနဲ့ တင်အနေထားကို ပုံစံမပျက်စေပဲ လေ့ကျင့်ခန်းကို လုပ်သွားပါ။
အခုပြောပြသွားတဲ့ လေ့ကျင့်ခန်း (၅) ခုကို အိမ်မှာနေရင်းအမြဲလုပ်ပေးမယ်ဆိုရင် ဝမ်းဗိုက်က ကျစ်လျစ်သွယ်လျလာပြီး အချိန်အတိုင်းအတာ တစ်ခုအတွင်းမှာ ရလဒ်ကို သိသိသာသာ မြင်ရမှာပါ။ ဒီလေ့ကျင့်ခန်းတွေအပြင် တခြားလေ့ကျင့်ခန်းကိုပါ ထပ်လုပ်ပြီး ကျန်းမာရေးနဲ့ညီညွတ်တဲ့ စားသောက်မှုပုံစံကိုပါပြောင်းလိုက်မယ်ဆိုရင် ကိုယ်ခန္ဓာ ပြောင်းလဲမှုတွေကို ကိုယ်တိုင်တွေ့မြင်ခံစားရမှာပါနော်။ ကိုယ့်မှာ ကျန်းမာရေးပြဿနာရှိတယ်ဆိုရင် လေ့ကျင့်ခန်းအသစ်ကို မလုပ်ခင် ကြံ့ခိုင်ရေးကျွမ်းကျင်ပညာရှင် ဒါမှမဟုတ် ဆရာဝန်နဲ့ အရင်ဆုံးတိုင်ပင်စေချင်ပါတယ်။ လေ့ကျင့်ခန်းကို ဖြည်းဖြည်းမှန်မှန်လုပ်သွားပြီး သန်မာလာတဲ့ ကြွက်သားတွေရဲ့ အလှအပကို ခံစားလိုက်ပါ။
July Winkyi