ဘဝရဲ့အခက်အခဲများက ရံဖန်ရံခါ ကျွန်ပ်တို့ကိုအားအင်ကုန်ခမ်းစေပြီး မလိုအပ်တဲ့စိတ်ဖိစီးမှုတွေဖြစ်ပေါ်စေပါတယ်။ ဒါပေမယ့် ကိုယ့်စိတ်ကို အလွယ်တကူ ဖြေလျော့ပေးနိင်တဲ့ နည်းလမ်းတစ်ခုရှိတယ်ဆိုတာ သိပါသလား? အဖြေကတော့ တေးဂီတသီချင်းပါပဲ။ သီချင်းနားထောင်ခြင်းက ဘယ်လိုနည်းနဲ့ စိတ်ဖိစီးမှုတွေဖြေလျော့ပေးပြီး ကြည်လင်တဲ့ စိတ်ခံစားမှုကို ပေးစွမ်းနိင်လဲ ဆိုတာဆက်ကြည့်ကြရအောင်။

သီချင်းတစ်ပုဒ်ရဲ့ လူ့စိတ်ပေါ်သက်ရောက်စေနိုင်တဲ့ အရာတွေကတော့

• စိတ်ဖိစီးမှုတွေကိုဖြေလျှော့ပေးပါတယ် - ဂီတက နှလုံးခုန်နှုန်းနဲ့ သွေးပေါင်ချိန်ကို လျော့ချပေးတာကြောင့် စိတ်ဖိစီးမှု ဟော်မုန်းတွေ ကျဆင်းစေပါတယ်။ ဒါ့အပြင် စိတ်ပူပန်မှုတွေလည်း ကင်းဝေးစေပြီး လက်ရှိအချိန်ကို အာရုံစိုက်နိင်အောင် ကူညီပေးပါတယ်။

• စိတ်ပျော်ရွှင်စေပါတယ် -  သီချင်းသံတွေ အထူးသဖြင့် ရွှင်လန်းတဲ့ဂီတသံတွေက စိတ်ကို ပျော်ရွှင်စေရုံသာမက အားအင်တွေပါ ပေးစွမ်းနိင်ပါတယ်။

• ကောင်းကောင်းအနားယူစေပါတယ် -  ဂီတဟာ ကိုယ့်ရဲ့ စိတ်နဲ့ကိုယ်ကို ငြိမ့်ငြောင်းစေပြီး အေးချမ်းတည်ငြိမ်အောင် ထောက်ပံ့ပေးတယ်။

• စိတ်မကြည်မလင်ဖြစ်နေတဲ့အချိန်မှာလဲ အကူအညီပေးပါတယ် -  ဂီတက ကျွန်ပ်တို့ကို လုံခြုံစေပြီး အားပေးတဲ့ နေရာတစ်ခုကို ဖန်တီးနိုင်တယ်။

• အခြားလူတွေနဲ့လဲ ချိတ်ဆက်ပေးပါတယ် -  ဂီတက လူပေါင်းစုံကို အတူတကွ ဆွဲဆောင်နိင်ပြီး အဖွဲ့အစည်းတစ်ခုဆိုတဲ့ ခံစားမှုမျိုးကိုလဲ ပေးစွမ်းပါတယ်။ ဒါ့အပြင် ဂီတက နားဆင်သူကို မိမိခံစားချက်ကို နားလည်စေတာကြောင့် မိမိကိုကိုယ် မိမိ ပိုပြီးလေ့လာနိင်ပါတယ်။

• ဖန်တီးနိုင်စွမ်းကိုမြှင့်တင်ပေးနိုင်ပါတယ် - စစ်တမ်းတွေအရ မြူးကြွတဲ့သံစဥ်တေးသွား သီချင်းတွေကို နားထောင်ခြင်းက ဦးနောက်လှုံဆော်မှုကို ဖြစ်စေပြီး လွတ်လပ်စွာစဥ်းစားတွေးခေါ်တတ်ခြင်းနဲ့ တစ်မှုထူးခြားတဲ့ စိတ်ကူးစိတ်သန်းတွေကိုလည်း မွေးထုတ်ပေးနိုင်ပါသေးတယ်။

စိတ်ကျန်းမာရေးကို ဂီတနဲ့ မြှင့်တင်နိင်ဖို့ 

ဒီနည်းလမ်းလေးတွေက ကိုယ့်ရဲ့ စိတ်ကျန်းမာရေးအတွက် အထောက်အကူပြု နိုင်ပါတယ်။

• သင့်အကြိုက်ဆုံးသီချင်းတွေကို တစ်နေရာတည်းစုစည်းထားပါ။ သီချင်းနားထောင်ချင်းက စိတ်ဖိစီးမှုလျော့ကျစေပြီး စိတ်ရွှင်လန်းစေပါတယ်။

• အနားယူနေစဉ် သီချင်းနားထောင်ပါ။ ရေချိုးနေစဉ် စာဖတ်နေစဉ် ဒါမှမဟုတ် လမ်းလျှောက်နေစဉ် သီချင်းနားထောင်ခြင်းက စိတ်ကိုငြိမ့်ငြောင်းစေပါတယ်။

• ဂီတတူရီယာတစ်ခုခု တီးခတ်သင်ယူပါ။ တူရိယာတီးခတ် သင်ယူခြင်းက ပျော်ဖို့ကောင်းသလို စိတ်ကျေနပ်ဖို့လည်း ကောင်းပါတယ်။ ဒါ့အပြင် စိတ်ကျန်းမာရေးကို တိုးတက်စေပြီး ဦးနှောက်ကိုလည်းဖွံဖြိုးစေပါတယ်။

• ဂီတပွဲလမ်းတွေ တက်ရောက်ပါ။ ဂီတပွဲလမ်းတွေ တက်ရောက်ခြင်းက မိတ်ဆွေအပေါင်းအသင်း တိုးစေသလို စိတ်အပြောင်းအလဲပါ ဖြစ်စေပါတယ်။ 

ဒါကြောင့် စိတ်ဖိစီးနေတဲ့အချိန်တိုင်း ဖိစီးမှုတွေဖြေလျော့ဖို့ သီချင်းနားထောင်လိုက်ပါ။ စိတ်ပါရင် သင်ကိုယ်တိုင်ပါ လိုက်ဆိုနိင်ပါတယ်။ ဒါဆိုရင် ပိုပြီးတော့တောင်မှ သင့်ရဲ့စိတ် ခံစားမှုကို တိုးတက်စေမှာပါ။